प्रतिनिधी | दिनप्रभा
आजकाल अलर्जीची सर्दी, वारंवार शिंका येणे, नाक गळणे, सायनस, डोके जड होणे आणि डीएनएस (नाकाच्या पडद्याची सूज) या समस्या मोठ्या प्रमाणात वाढताना दिसत आहेत. अनेक रुग्ण गोळ्या, स्प्रे किंवा शस्त्रक्रिया करूनही कायमस्वरूपी आराम मिळत नसल्याची तक्रार करतात.
डॉ. क्षितिजा यांच्या मते, आयुर्वेदानुसार सर्व रोगांचे मूळ कारण म्हणजे मंदावलेली पचनशक्ती (मंदाग्नी). पचन बिघडल्यामुळे शरीरात कफ साठतो आणि हाच कफ सायनसेसमध्ये जाऊन अलर्जीची सर्दी व सायनसचा त्रास वाढवतो.
✅ पाच प्रभावी आयुर्वेदिक उपाय
पाचक चूर्ण – धने, जिरे, ओवा, बडीशेप व सेंधव यांचे चूर्ण जेवणानंतर गरम पाण्यासोबत घेतल्यास पचन सुधारते.
काढा किंवा हळदीचे दूध – लवंग, दालचिनी, सुंठ व हळद यांचा काढा कफ पातळ करतो.
उष्णोदक सेवन – दिवसभर कोमट किंवा गरम पाणी पिण्याने अलर्जीची सर्दी कमी होते.
स्नेहन व स्वेदन – तिळाच्या तेलाने नाकाजवळ मसाज व औषधी वाफ घेतल्यास नाक ब्लॉक होणे कमी होते.
वेखंड, ज्येष्ठमध व सुंठ चूर्ण – मधासोबत घेतल्यास अलर्जी, शिंका व नाक गळणे नियंत्रणात येते.
🔹 ऑपरेशनपेक्षा नैसर्गिक उपचार
“ऑपरेशन हा तात्पुरता उपाय आहे. योग्य आहार, घरगुती उपाय आणि आयुर्वेदिक औषधांनी अलर्जीचा त्रास कायमस्वरूपी कमी होतो,” असा अनुभव अनेक रुग्णांचा असल्याचे डॉ. क्षितिजा यांनी सांगितले.
❄️ थंडीपासून संरक्षण गरजेचे
थंडीच्या दिवसांत कान-नाक झाकणे, थंड पदार्थ टाळणे तसेच इम्युनिटी वाढवण्यासाठी चवनप्राश किंवा मोरावळा घेण्याचा सल्ला देण्यात आला आहे.