🛑🛑
✍️ दिनप्रभा न्यूज पोर्टल प्रतिनिधी
दहावी (SSC) आणि बारावी (HSC) च्या विद्यार्थ्यांसाठी एक अत्यंत महत्त्वाची बातमी समोर आली आहे. फेब्रुवारी–मार्च 2026 मध्ये होणाऱ्या 10वी व 12वीच्या परीक्षेला बसणाऱ्या विद्यार्थ्यांसाठी ‘अपार आयडी’ (APAAR ID) नोंदणी करणे अनिवार्य करण्यात आले असल्याची माहिती महाराष्ट्र राज्य माध्यमिक व उच्च माध्यमिक शिक्षण मंडळाने दिली आहे.
📌 डिजिटल मार्कशीटसाठी सक्ती
दिनप्रभा न्यूज पोर्टलला मिळालेल्या माहितीनुसार, विद्यार्थ्यांच्या गुणपत्रिकांची प्रक्रिया व वितरण अधिक सुलभ करण्यासाठी हा निर्णय घेण्यात आला आहे. परीक्षा निकालानंतर विद्यार्थ्यांना डिजिलॉकर (Digilocker) च्या माध्यमातून डिजिटल स्वरूपात मार्कशीट उपलब्ध करून देण्यात येणार आहे.
📌 विद्यार्थ्यांना होणारे फायदे
‘अपार आयडी’ आणि डिजिटल गुणपत्रिकांच्या माध्यमातून विद्यार्थ्यांना भविष्यात अनेक लाभ मिळणार आहेत.
▪️ सर्व शैक्षणिक गुणपत्रिकांचा आयुष्यभराचा डिजिटल रेकॉर्ड
▪️ प्रवेश प्रक्रियेदरम्यान कागदपत्रांची गरज कमी
▪️ शिष्यवृत्ती व शासकीय योजनांचा सहज लाभ
▪️ शैक्षणिक नोंदी कोठूनही उपलब्ध
▪️ सुरक्षित आणि केंद्रीकृत डिजिटल व्यासपीठ
📌 शाळा व कनिष्ठ महाविद्यालयांना आदेश
दिनप्रभा न्यूज पोर्टलच्या माहितीनुसार, राज्यातील सर्व मान्यताप्राप्त शाळा व कनिष्ठ महाविद्यालयांना त्यांच्या विद्यार्थ्यांची जास्तीत जास्त अपार आयडी नोंदणी कन्फर्म करण्याचे आदेश देण्यात आले आहेत. ही माहिती मंडळाच्या अधिकृत संकेतस्थळावर
👉 www.mahahsscboard.in
येथे सादर करणे बंधनकारक आहे.
📌 डिजिटल शिक्षणाकडे महत्त्वाचे पाऊल
महाराष्ट्र राज्य माध्यमिक व उच्च माध्यमिक शिक्षण मंडळाने यावर्षी परीक्षेला बसणाऱ्या विद्यार्थ्यांसाठी अपार आयडीमध्ये लॉग-इन करणे सक्तीचे केले आहे. विद्यार्थ्यांच्या शैक्षणिक नोंदी अधिक सुरक्षित, कार्यक्षम आणि सहज उपलब्ध व्हाव्यात, हा या उपक्रमाचा मुख्य उद्देश आहे.
👉 दिनप्रभा न्यूज पोर्टलच्या माध्यमातून विद्यार्थी, पालक आणि शाळा प्रशासनाला आवाहन करण्यात येते की, त्यांनी याची तातडीने दखल घेऊन आवश्यक कार्यवाही पूर्ण करावी.