📰 पिंपरी चिंचवडमध्ये उभा राहत आहे जगातील सर्वात उंच संभाजी महाराजांचा पुतळा!

📰 पिंपरी चिंचवडमध्ये उभा राहत आहे जगातील सर्वात उंच संभाजी महाराजांचा पुतळा!

स्वराज्याचे धाकटे धनी छत्रपती संभाजी महाराज यांचा भव्य पुतळा आता पिंपरी चिंचवडच्या भूमीवर उभा राहत आहे. या पुतळ्यामुळे पिंपरी चिंचवडच्या शिरपेचात मानाचा नवा तुरा रोवला गेला असून, याची नोंद थेट लंडन बुक ऑफ रेकॉर्ड्स मध्ये झाली आहे.

✨ १०० फूट उंचीचा अभिमान
तब्बल १०० फूट उंच असलेला हा पुतळा ब्राँझ धातूपासून तयार केला जात आहे. त्याचा चौथरा देखील तब्बल ४० फूट उंच असून त्यामुळे हा पुतळा जगातील सर्वात उंच संभाजी महाराजांचा पुतळा ठरला आहे. सध्या या महाकाय पुतळ्याचे काम युद्धपातळीवर सुरू आहे.

🏛️ पिंपरी चिंचवड महापालिकेचा शंभुसृष्टी प्रकल्प
या पुतळ्याची उभारणी पिंपरी चिंचवड महापालिका राबवत असलेल्या शंभुसृष्टी प्रकल्पाचा एक भाग आहे. तब्बल ४८ कोटी रुपयांच्या खर्चातून या प्रकल्पाची उभारणी केली जात आहे.

⚔️ इतर शिल्पांची उभारणी
या प्रकल्पात फक्त पुतळाच नव्हे तर सरसेनापती हंबीरराव मोहिते आणि १६ सेनापती-मावळ्यांची शिल्पे साकारण्यात येणार आहेत. तसेच छत्रपती संभाजी महाराज यांच्या थोर कारकीर्दीवर प्रकाश टाकणारी दृष्येही येथे उभारली जाणार आहेत.

🎨 जगप्रसिद्ध कलाकारांचे मार्गदर्शन
या अद्वितीय कामाची सूत्रे जगप्रसिद्ध शिल्पकार राम सुतार यांच्या हातात आहेत. तर प्रसिद्ध लेखक डॉ. विश्वास पाटील यांच्या मार्गदर्शनाखाली या प्रकल्पाचा इतिहासजन्य भाग उलगडला जाणार आहे.

🔥 पिंपरी चिंचवडमध्ये उभारला जाणारा हा पुतळा म्हणजे शौर्य, बलिदान आणि स्वाभिमानाचे प्रतीक ठरणार आहे!